Kveðja úr Jensenshúsi

TUNGUSTÍGUR 3, 735 ESKIFJÖRÐUR

Fjörðurinn er pottur
nornaseiður undir bryggjunum
magnast upp
þegar aldrei er nótt og dagurinn valsar í hringi
veturinn í fjöllunum linast 
kemur askvaðandi niður brekkurnar

Peningalyktin vellur upp í mollunni
inni í fjöllunum vaxa eðalsteinar

Utan á húsinu vaxa köngulær

Uppi er kenning:
Hingað sækja þær
því húsið
er svart

Önnur kenning:
Hér setjast þær að
því húsið er gamalt
fornt eins og grafhýsi
enn kvikt með árin á bakinu
líf undir þakinu

Freistandi 
að gera sér
í hugarlund
að allar komi þær 
héðan

Hér er uppspretta

Stígurinn talar tungum
glamrar í mölinni þegar hann hlær